Nikolái Gógol

O INSPECTOR

SINOPSE

Nunha localidade gobernada por políticos corruptos reciben a nova de que acaba de chegar un inspector do goberno para realizar unha auditoría sobre as contas públicas e elaborar un estudio acerca da transparencia das prácticas políticas dos seus dirixentes.

Ante esta situación, os gobernantes entran en pánico, procedendo á destrución de todas as probas que os poidan comprometer. Comezará así unha espiral de submisión cara ese inspector, ofrecéndolle todo tipo de agasallos e subornos, chegando a límites insospeitados de tolemia e indignidade.

O Inspector é unha comedia de ritmo frenético, onde dez actrices e actores, na súa maioría invidentes ou cunha discapacidade visual grave, dan vida nas táboas ao clásico texto de Nikolái Gógol, versionado e dirixido para esta ocasión por Tito Asorey.

O EQUIPO

O Inspector está interpretado polo elenco de Teatro Muxicas, que se rodeou dun equipo de profesionais con ampla traxectoria no teatro profesional galego: a escenografía está deseñada e realizada por José Faro “Coti”, que vén de gañar en 2018 o Premio María Casares á Mellor Escenografía por Resaca de ilMaquinario Teatro.

O vestiario está deseñado pola artista ourensá Sandra Varela (último Premio do Certame de Artes Plásticas da Deputación de Ourense) e levado a cabo por Carlos Alonso (premiado en sete ocasións co Premio María Casares).

O deseño gráfico é obra de José Lameiras, e a fotografía de Lucía Estévez (Premio María Luz Morales a Mellor Videoensaio e Premio Lav.Mov en 2018).

A axudantía de dirección está realizada por Melania Cruz (Premio Mestre Mateo a Mellor Actriz de Reparto en 2019, Premio Mestre Mateo a Mellor Actriz Protagonista 2018, Premio María Casares a Mellor Actriz Protagonista 2016), e a versión, iluminación e dirección recaen en Tito Asorey (premiado con cinco María Casares en diferentes categorías, actor en SerramouraFariña, Servir y proteger ...).

XIRA E RECOÑECEMENTOS

O Inspector foi estreada no ano 2018, e na súa xa longa traxectoria visitou as seguintes vilas e cidades:

OURENSE, BARBADÁS, MONFORTE, FORNELOS, VIVEIRO, CARBALLIÑO, PADRÓN, FERREIRA DE PANTÓN, O BARCO DE VALDEORRAS, ALLARIZ, PLASENCIA, BADAJOZ, ANTAS DE ULLA, FERROL, MUROS, PORRIÑO, SANTIAGO DE COMPOSTELA, RIANXO E SERRA DE OUTES.   

Foi destacada co PREMIO DO XURADO e o PREMIO DO PÚBLICO no Festival de Teatro "Terras do Orcellón" no ano 2018.

Foi elexida pola comisión nacional de teatro ONCE para clausurar a BIENAL DE TEATRO ONCE celebrada en Extremadura no ano 2019.

DOSSIER

VÍDEO

Créditos da web: 

- Fotografías de O Inspector de Lucía Estévez. 

- Resto de fotografías de Marcos Martínez, Sergio Lardiez, Tito Asorey, Alexandra Dimitrieva

- Deseño web de Tito Asorey