de William Shakespeare
adaptación e dirección de Sara Rey

No bosque onde soñan os namorados, a noite confunde os camiños e os ollos convértense en instrumentos do feitizo. Unha flor encantada cambia o rumbo do amor: quen esperte amará ao primeiro que vexa, aínda que sexa un asno ou unha sombra. Entre fadas, trasnos e mortais extraviados, os sentidos trastórnanse e o desexo xoga a disfrazarse.

A luz da lúa vela por quen xa non mira coa vista, senón coa alma.

Neste Sueño de una noche de verano os ollos enganan, pero o corazón, cego e sabio, atopa o seu propio xeito de ver.

​

Sueño de una noche de verano, de William Shakespeare, convértese nesta versión de Teatro Muxicas nunha celebración do teatro como territorio dos sentidos, da imaxinación e da escoita.